תוכן השאלה
לכבוד דער ראש ישיבה שליט"א,
צום ערשט וויל איך זיך באדאנקען פאר אלע חיזוק און קונטרסים, מיר זענען זיך ממש מחי', יישר כח פאר אלעס.
איך וואוין אין יבנאל, און איך גיי ארויס עטליכע מאל א וואך צו גיין הפצה. איך וויל פרעגן אויב עס איז א פראבלעם צו גיין הפצה אין די יעצטיגע אנגעצויגענע צייט, ווען עס איז דא פילע ווארענונגען און עס פליען מיסילס, און עס קען זיין א סכנה; זאל איך ווייטער גיין הפצה ווי געווענליך, אדער ענדערש בלייבן יעצט אינדערהיים?
יישר כח
תשובה מאת הראש ישיבה שליט"א:
יום ג' פרשת קרח, כ"ח סיון, שנת תשפ"ה לפרט קטן
לכבוד ... נרו יאיר
קענסט גיין הפצה, אזוי ווי א הצלה מאן מעג לויפן אין די טעג ראטעווען מענטשן, אזוי אויך קען מען גיין הפצה, צוריק ברענגען נשמות ישראל צום אייבערשטן; "שׁוֹמֵר מִצְוָה לֹא יֵדַע דָּבָר רָע" (קהלת ח, ה).
יעצט ביי די מלחמה איז גרינגער צו פועל'ן ביי מענטשן תשובה צו טון. די טייערע אידן וואס מען האט זיי אויסגע'שמד'ט השם ישמרינו ווערן יעצט נתעורר לתשובה, איז עס א גוטע צייט צו גיין הפצה, ווען מען זעט אז דער אייבערשטער אליין היט אידישע קינדער און די כוחות פון די מיליטער קען נישט היטן, יעצט איז א גוטע צייט פאר הפצה.
דער אייבערשטער זאל העלפן זאלסט האבן הצלחה אין אלע ענינים.