בעזרת ה' יתברך - ליל שישי פרשת יתרו, ט"ז שבט, שנת תשפ"ה לפרט קטן
... נרו יאיר
איך האב ערהאלטן דיין בריוו.
איך פריי זיך אזוי שטארק צו דיין בריוו, איך האב זיך זייער געבענקט צו הערן פון דיר. איך געדענק ביי מוהרא"ש ווען עס איז געקומען צו אים אן אייניקל פון רבי'ן איז ער געווארן זייער פרייליך צו רעדן און שמועסן מיט אים, אמאל בין איך געווען ביי מוהרא"ש אין בית המדרש און מוהרא"ש האט גערעדט אזוי פריינטליך מיט איינעם, מען האט געקענט אנזען אז מוהרא"ש איז עפעס מער פרייליך צו יענעם, מוהרא"ש רופט מיך צו און זאגט מיר: "דאס איז אן אייניקל פון רבי'ן".
בנוגע דיין פראגע אויב דו זאלסט נעמען א בעט אין אומאן ביי אונזער בנין, עס קאסט אסאך געלט און דו האסט נישט קיין וועג ווי צו האבן; אודאי איז כדאי צו בארגן געלט צו זיין אינאיינעם מיט תלמידי היכל הקודש ביים רבינ'ס ראש השנה, נעם שוין א בעט ווילאנג עס איז נאך דא, און זארג נישט פאר די הוצאות, דיין זיידע דער הייליגער רבי האט בפירוש געזאגט: "איך האב שוין אויסגעזארגט פאר די שפעזן צו קומען צו מיר".
דער אייבערשטער זאל העלפן זאלסט האבן הצלחה אין אלע ענינים.