בריוון פונעם ראש ישיבה שליט"א

#1 - זיי מוסיף גוטס, וועט דער אייבערשטער דיר מוסיף זיין ניסים
שידוכים, תודה והודאה

בעזרת ה' יתברך


יום ג' פרשת תצוה, ז' אדר א', שנת תשע"ט לפרט קטן


 


לכבוד מיין טייערער חתן ... נרו יאיר.


איך האב דערהאלטן דיין נדבה פאר די ישיבה; יישר כח.


מזל טוב צו דיין שידוך; קוק וואס פאר א נס דער אייבערשטער האט מיט דיר געטון. דו האסט באקומען א שידוך פון הימל; אן ערליכע וואוילע כלה תחי' פון א טייערע ווארימע משפחה, א בת תלמוד חכם – אלעס בזכות דיינע גוטע מעשים וואס דו טוסט, דיין תורה ותפלה וכו'.


זאלסטו זיך יעצט פארנעמען מוסיף צו זיין אין דיינע שיעורים און מוסיף זיין אין תפלה והתבודדות וועט דער אייבערשטער מאכן מיט דיר נאך גרויסע נסים.


געב זיך איבער צום אייבערשטן, "וויל ווי עס גייט, וועט גיין ווי דו ווילסט", דורכדעם וועסטו מצליח זיין.


פון דיין ראש ישיבה.