בריוון פונעם ראש ישיבה שליט"א

#1 - מיט'ן דאנקען וועט קומען נאך גרויסע ניסים
שלום בית, תודה והודאה

בעזרת ה' יתברך


יום ה' פרשת חקת, ח' תמוז, שנת תשע"ט לפרט קטן


 


מרת ... תחי'.


איך האב ערהאלטן די נדבה פאר די ישיבה און אייער בריוו מיט'ן בילד.


איך האב זייער הנאה געהאט צו זען דעם בילד ווי אייער מאן נרו יאיר לערנט שפעט אויף דער נאכט נאך א טאג שווער ארבעטן.


אויך פריי איך זיך צו הערן אז איר האט הנאה געהאט פון די שיעור נעכטן נאכט.


דער עיקר זאלט איר דאנקען דעם אייבערשטן אן א שיעור אויף די גוטע לעבן וואס ער האט אייך געגעבן; אן ערליכער מאן מיט א הארץ פון פוטער, ער טשעפעט נישט קיינעם, ער זוכט נאר צו טון חסד פאר אלעמען. דאנקט דעם אייבערשטן פאר אייערע געזונטע קינדער; אז איר וועט דאנקען דעם אייבערשטן וועט ער מאכן נאך גרויסע ניסים.


פון ענקער ראש ישיבה וואס בעט פאר אייער הצלחה.