כט אדר ב' תשפ"ד

בעזרת ה' יתברך - יום ב' פרשת תזריע, ערב ראש חודש ניסן, שנת תשפ"ד לפרט קטן

 

לכבוד ... נרו יאיר

ערב ראש חודש ניסן איז א צייט פון תשובה, היינט זאגן אלע יום כיפור קטן, מען טוט תשובה, מען בעט דעם אייבערשטן מיר זאלן שוין אויסגעלייזט ווערן בכלליות ובפרטיות - יעדער איינער פון זיינע צרות היצר.

איך בעט דיר זייער זאלסט זיך בארעכענען און תשובה טון, סיי אויף בין אדם למקום און סיי אויף בין אדם לחבירו, נעם זיך פאר קומען אין שול דאווענען מיט מנין, נעם זיך פאר רעדן מיט דרך ארץ אין שטוב, און חס ושלום וויי טון אדער טשעפען די ווייב.

אז מען איז שטארק מיט דאווענען מיט מנין און מיט מכבד זיין די ווייב - איז מען זוכה צו פרנסה בשפע.

דער אייבערשטער זאל העלפן זאלסט האבן הצלחה אין אלע ענינים.