בעזרת ה' יתברך - יום ד' פרשת האזינו ב', ה' תשרי, שנת תשפ"ד לפרט קטן
לכבוד ... נרו יאיר, באס דרייווער פון אונזער מוסד
אויב די קינדער זענען נישט דרך ארץ'דיג טאר מען דאס נישט אדורכלאזן, נישטא ביי דעם מחול על כבודו, איך וויל קינדער בעלי דרך ארץ.
יעדע פרט וואס דו זעסט ביים טראגן און ברענגען די קינדער - זאלסטו דאס איבערשמועסן מיטן מנהל, און ביי די מיידלעך מיט די מנהלת. איך וויל נישט אויפציען קינדער עזות פנימ'ער, איך וויל אונזערע קינדער זאלן זיין בעלי דרך ארץ מיט יראת שמים.
באגריס יעדע קינד מיט א ווארעמע "א גוט מארגן" און "א גוטן טאג"; פארגין א שמייכל פאר יעדן קינד, ברענגט אריין א חיות אין אידישע קינדער.
דער אייבערשטער זאל העלפן זאלסט האבן הצלחה אין אלע ענינים.
א גמר חתימה טובה.