בעזרת ה' יתברך - יום ה' פרשת שמות, שובבי"ם, כ"ג טבת, שנת תשפ"ד לפרט קטן
... תחי', יבנאל
איך האב ערהאלטן אייער בריוו.
עס איז אזוי שיין צו הערן אז א זיבן יעריג מיידל זאל האבן א געפיל אין זאגן תהלים, און איר האט זוכה געווען צו ענדיגן די ערשטע מאל ספר תהלים.
דער הייליגער רבי זאגט (עיין לקוטי מוהר"ן חלק א', סימן ז) תהלים איז די אותיות "לי תהום", צו מיר וועט קומען וואונדער; ווען מען זאגט תהלים קומט ניסים.
אויך זאלט איר זאגן יעדן טאג די דרייצן אני מאמין'ס, מוהרא"ש זכותו יגן עלינו זאגט נאך פון צדיקים אז זיי האבן געזאגט כמה פעמים ביום די דרייצן אני מאמין'ס, ווייל דאס שטארקט זייער די אמונה.
געבט א גרוס פאר אייערע עלטערן.
דער אייבערשטער זאל העלפן איר זאלט האבן הצלחה אין אלע ענינים.