בעזרת ה' יתברך - יום ג' פרשת וישב, כ"ב כסליו, שנת תשפ"ד לפרט קטן
לכבוד ... נרו יאיר
ווי קען זיין אז פאר איבריגע זאכן האסטו געלט, אדער בארגסטו וכו' - און פאר שכר לימוד, אז דיינע זין זאלן האבן מלמדים וואס לערנען תורה מיט זיי און דיינע טעכטער זאלן האבן לערערינס - פאר דעם האסטו נישט? ווי מעג זיין אזא זאך?!
איך פרעג א אינגערמאן אין שטעטל, האסט געמאכט שיינע פעיוומענט ארום דיין הויז, היתכן ווען דו קומסט פאר די מוסד געלט פאר שכר לימוד - געבסטו אויס געלט פאר די זאכן? גייסטו בארגן געלט פאר איבריגע זאכן? מען קען לעבן אן פעיוומענט, מען קען לעבן אן שיין מאכן די הויז; איך קען דאס נישט פארשטיין.
איך בעט דיר זאלסט אלעס טון צו צאלן שכר לימוד.
דער אייבערשטער זאל העלפן זאלסט האבן הצלחה אין אלע ענינים.