בעזרת ה' יתברך
יום ה' פרשת אחרי ב', כ"ז ניסן, שנת תשפ"ב לפרט קטן
לכבוד מיין טייערער ליבער ... נרו יאיר, ברסלב ליבערטי
איך בעט דיר זייער זאלסט זיך שטארקן, בפרט מיט דיין נייע פאך וואס דו לערנסט זיך צו שרייבן ספרי תורה, תפילין און מזוזות. פרעג אלע סופרים, אין אנהויב איז טאקע שווער, אבער אז דו וועסט דאס דורכברעכן - וועסטו זייער מצליח זיין. געלויבט דעם אייבערשטן די קהילה וואקסט אזוי שנעל כן ירבו, אנשי שלומינו ווילן דיקא מזוזות, תפילין וכדומה - פון א סופר וואס פארט צום רבי'ן, פון א סופר וואס גייט אין מקוה און זאגט תיקון הכללי, פון א סופר וואס איז זיך מתבודד און זאגט לקוטי תפילות.
דעריבער וויל איך דיר זייער בעטן, שטארק זיך מיט די ארבעט, ענדיג לערנען די הלכות און נעם ארויס א קבלה צו שרייבן - וועסטו זייער מצליח זיין.
גיי אביסל שפאצירן, רעד זיך אויס דיין הארץ צום אייבערשטן; בעט אים יעדע זאך - וועסטו זען גרויסע ישועות.