בעזרת ה' יתברך - יום ה' פרשת ויקהל, כ"ז אדר א', שנת תשפ"ד לפרט קטן
לכבוד ... נרו יאיר, אדמיניסטראטער מוסדות קרית ברסלב
געב אכטונג עס זאל נישט זיין קיין אינטערנעט ביי די מלמדים שטוב, און אויב מען קען נאר האבן ביכלעך מיט צעטלעך אויף דעם וועג - לוינט עס נישט; איך דארף נישט קיין ביכלעך, איך דארף נישט קיין צעטלעך, מיר איז גוט יעדער מלמד זאל זיך אליין מאכן מיט א פען היימישע צעטלעך, ווי איידער עס זאל זיין אינטערנעט ביי די מלמדים.
איך בין געווען יארן א מלמד און יעדע וואך האב איך אהיימגעשיקט צעטלעך, ביכלעך, שאלות וכו', אלעס געמאכט היימיש מיט א בליי און פעדער.
נאכאמאל, איך בעט דיר, עס לוינט מיר נישט די גאנצע עסק, לאז די מלמדים בלייבן ריין און הייליג.
די אחריות ליגט אויף דיר.
דער אייבערשטער זאל העלפן זאלסט האבן הצלחה אין אלע ענינים.