בעזרת ה' יתברך
יום א' פרשת ויקהל, י"ט אדר א', שנת תשפ"ב לפרט קטן
לכבוד מיין טייערער ... נרו יאיר, ברסלב ליבערטי
געב אכטונג נישט צו פארקויפן זאכן אן א הכשר, לעצטנס האבן אנשי שלומינו אנגעהויבן פארקויפן פערטיגע עסן; עס איז זייער גוט אז מען שטיצט זיך איינער דעם צווייטן, אבער עס דארף האבן אן הכשר, מען קען נישט קויפן און פארקויפן נאר מיט א גוטע הכשר.
שטארק זיך און שטארק דיין ווייב, דער אייבערשטער האט געמאכט ניסים מיט דיר ביז אהער, ער וועט מאכן ניסים מיט ענק ווייטער און ווייטער. דער הייליגער רבי ר' אלימלך זכותו יגן עלינו זאגט, ווען א מענטש דערציילט די ניסים וואס דער אייבערשטער האט געמאכט מיט אים - מאכט דער אייבערשטער נאך ניסים.
גיי יעדן טאג א שפאציר אין דיין פעלד פאר אפאר מינוט; דאנק דעם אייבערשטן און בעט אים אויף ווייטער.