כח אייר תשפ"ד

בעזרת ה' יתברך - יום ד' פרשת במדבר, כ"ח אייר, מ"ג לעומר, שנת תשפ"ד לפרט קטן

 

לכבוד ... נרו יאיר

עס קומט דער הייליגער יום טוב שבועות, מען גייט מקבל זיין די תורה פונדאסניי, יעדער איינער קען זוכה זיין צו קבלת התורה, מיטן רבינ'ס עצות און שכל קען יעדער איינער ווערן א גרויסער צדיק און קומען צו די גרעסטע מדריגות; דורך די עצה פון נישט טראכטן וואס איז געווען, זיך נישט אויפעסן מיטן עבר, מיט די עצה פון זיך אויסשמועסן דאס הארץ מיטן אייבערשטן, אים דערציילן ווי שטארק מען וויל זיין גוט - קען יעדער איינער אן אויסנאם צוקומען צו די העכסטע מדריגות.

מארגן וועט זיין די ליל שישי שיעור אין ישיבה אין וויליאמסבורג, עס איז וויכטיג מיט צו האלטן די שיעור איינמאל א וואך, זיך מחזק זיין, נישט ווערן אלט; בפרט יעצט ווען מיר שטייען ביים בארג סיני, מיר גייען שוין מקבל זיין די תורה, איז וויכטיג מיט צו האלטן די שיעור, ווייל קומענדיגע וואך ערב יום טוב - וועט נישט זיין קיין שיעור.

דער אייבערשטער זאל העלפן זאלסט האבן הצלחה אין אלע ענינים.