אין די פארגאנגענע וואכן האבן די שטאב פון קרן הדפסה אריינגעלייגט גרויסע כוחות אינעם דריטן באנד אשר בנחל אידיש, מען האט עס פריש מגיה געווען, און מסדר געווען מיט הערליכע מפתחות, דער מנהל בית הדפוס הר"ר אשר יעקב בלום שליט"א און מו"ה יוסף יאקאבאוויטש הי"ו זענען געשטאנען בראש פון די ארבעט און ב"ה מען האלט שוין ביים שטאפל אז דער נייער באנד ווערט שוין גרייט צום דרוק.
 
און כאטש דער סמ"ך מ"ם איז נישט געשלאפן, בפרט אויף אזא הייליגע פראיעקט וואס וועט צוריק ברענגען אומצאליגע אידן צום אייבערשטן, לייגט ער זיך אין די לענג און אין די ברייט צו שטערן און צו אפהאלטן. אבער דער ראש ישיבה שליט"א לאזט נישט נאך, ער איז כסדר מעודד און מחזק די עוסקים במלאכת הקודש מען זאל ווייטער דרוקן די הייליגע ספרים, זאגענדיג אז גייט אים בנפשו מען זאל נישט אפלאזן דאס דרוקן אשר בנחל, ווייל ער האט צוגעזאגט פאר מוהרא"ש זי"ע ביי די לויה אין בארא פארק, אז ער וועט א גאנץ לעבן דרוקן און פארשפרייטן די הייליגע ספרים.
 
דער גבאי מו"ה לייבי ראטה הי"ו זאגט אונז אז אנשי שלומינו רופן זיך אן ווארעם, און קויפן זיך איין זכותים אינעם הייליגן ספר אויף וואס מוהרא"ש האט געזאגט און געשריבן גאר אסאך מאל אז ווער עס דארף א ישועה, א זכות, זאגט ער צו אז דורכ'ן נעמען א חלק אין דרוקן זיינע ספרים, בפרט "אשר בנחל" וועט ער זען א זיכערע ישועה.
 
עס זענען דא גאר אסאך מעשיות פון אידן וואס האבן געזען אפענע ישועות אין זכות פון דרוקן אשר בנחל, אינעם בלעטל ווערן כסדר געדרוקט מעשיות מיט נעמען וואס דער עולם קען, וואס פארציילן עדות ווי זיי זענען געהאלפן געווארן שלא כדרך הטבע נאכ'ן מנדב זיין פאר'ן הייליגן ספר.
 
דער יעצטיגער מהדורה וועט טראגן דעם נאמען "מהדורת מארקאוויטש" און איז נתנדב געווארן דורך מו"ה יואל מארקאוויטש הי"ו, דער גרויסער זכות וועט זיכער ביישטיין פארן נדבן, אויף דער וועלט און אויף יענער וועלט.
 
ווי געזאגט האלט מען שוין יעצט ביים לעצטן שטאפל פון צוגרייטן צום דרוק, און יעצט איז די לעצטע געלעגנהייט צו קויפן א זכות, עס זענען געבליבן נאך בלויז עטליכע טעג צו קענען קויפן א זכות אינעם ספר. אויף וואס ווארט איר? רופט שוין דעם גבאי מו"ה לייבי ראטה הי"ו אויף 347-578-4449 און זייט זוכה צו ישועות, רפואות, פרנסה, שידוכים, נחת און שמחה אין דעם זכות.