שאלה: פארוואס רופט מען די ווייערלעס טעכנאלאגיע וואס מען נוצט צו פארבינדן מאשינען "בלוטוט", וואס האט עס מיט "בלוי" און וואס מיט "ציין"? אזוי אויך פון וואו קומט דער מאדנער אייקאן דערפון?
ר. ז.
 
ענטפער: זייער א גוטע שאלה, בלוטוט טעכנאלאיגע (וואס מיינט בוכשטעבליך "בלויע ציין") האט גארנישט מיט'ן קאליר בלוי אדער מיט ציינער, דער נאמען קומט פאקטיש פון א דענישער קעניג "האראלד גראסמאן" וואס איז באקאנט מיט'ן צונאמען "הערלאד בלוטוט" צוליב וואס ער האט געהאט א טויטע ציין אין זיין מויל וואס האט אויסגעזען "בלוי". דער קעניג האט מיט בערך טויזענט יאר צוריק פאראייניגט די צוויי מלוכות פון נארוועיגע און דענמארק, און צוליב וואס דער טעכנעלאגיע וואס איז געווען געצילט צו פאראייניגן מאשינען זיי זאלן קענען "רעדן" צווישן זיך, איז אויסגעארבעט געווארן דורך א שוועדישע פירמע, און האבן געזוכט א נאמען ביז ווילאנג מען וועט אויסארבעטן א געהעריגע נאמען האבן זיי עס גערופן "בלוטוט". למעשה איז דער נאמען געווארן אויפגעכאפט אין דער וועלט, און האט קיינמאל באקומען אן אנדערע נאמען.
 
בשעת מיר וועלן נוצן דעם בלוטוט טעכנאלאגיע נאר אויף א גוטע וועג צו פארבינדן דעם ספיקער צום מוזיק פלעיער ווי מיר וועלן הערן שיעורים וואס וועלן אונז מחזק זיין צו געדענקען דעם אויבערשטן, און זיך מחזק זיין אין אלע אומשטענדן, וועלן מיר אבער פאקוסן צו נוצן אונזער בלוטוט זיך צו פארבינדן מיט אנדערע אידן און זיך מחזק זיין מיט אחדות און אהבת ישראל. נישט קיין חילוק צי ער האלט די זעלבע ווי מיר, אדער ער האט אן אנדערן מיינונג קענען מיר נאך אלץ רעדן און זיך ליב האבן. בפרט נאך די חתונה ווען עס קומען זיך צוזאם צוויי מענטשן פון אנדערע משפחות און אנדערע וועלטן, וועט מען קוקן איינע אויפן צווייטן מיט א גוטע בליק, וואס איז דער "בלוטוט" וואס וועט זיי האלטן פאראייניגט.
 
דער אייקאן פון בלוטוט איז אן איטערעסאנטע צוזאם שטעל פון צוויי אור אלטע סקאנדענישע אותיות "ᚼ" (האגעל) און "ᛒ" (ביארקאן) וואס איז די ראשי תיבות פונעם נאמען פונעם קעניג האראלד בלוטוט, אויף וועמענ'ס נאמען דער טעכנאלאגיע איז געגעבן געווארן.
 
אונזער אייקאן איז די הייליגע תורה, וואס אירע ווערטער כאטש זיי זענען זייער אלט, שוין פונעם מעמד הר סיני, איז עס אבער פריש יעדן טאג און אירע הייליגע ווערטער זענען אקטועל אויף יעדן טריט און שריט פון אונזער לעבן.
 
שיקט אריין א שאלה צו askgershon@gmail.com