בעזרת ה' יתברך
יום א' פרשת חקת, ד' תמוז, שנת תשפ"ב לפרט קטן
לכבוד מיין ליבער ... נרו יאיר ברסלב, ליבערטי
שטארק זיך מיט דיין הייליגע ארבעט, פארשפרייטן די עצות פון משיח; דו האסט נישט קיין אנונג וויפיל מענטשן זענען זיך מחי' מיט דיינע חיזוקים, עס לוינט זיך דיין הארעוואניע.
נעם אריין אין דיר אז דו ארבעטסט פאר'ן באשעפער, אז מען בינדט זיך צו צום באשעפער - איז די ארבעט גרינג, אויב מען טראכט פון מענטשן - דעמאלט ווערט מען אנטוישט, מען ווערט פארווייטאגט, מען טראכט מחשבות וכו', אבער אז מען טראכט פונעם אייבערשטן - קען מען נישט פאלן, מען ווערט נאר שטערקער און שטערקער.