בעזרת ה' יתברך - ה' פרשת ויקרא, י"א אדר ב', שנת תשפ"ד לפרט קטן
לכבוד מיין טייערער ... נרו יאיר
אמונה איז די שטערקסטע און בעסטע רפואה – סיי פארן גוף און זיכער פארן נפש, אלע פחדים און דמיונות, אלעס – ווערט פארשווינדן מיט אביסל אמונה.
חזר זיך שטענדיג: 'דער אייבערשטער איז דא, דער אייבערשטער איז דארט, דער אייבערשטער איז אין יעדע ארט, דומם צומח חי און מדבר – אלעס איז ער אליינס'; דאס וועט דיר געבן כח און מח אנצוגיין אין יעדע מצב.
האלט טייער דיין ווייב תחי', דו האסט באקומען א טייערע ווייב, זי האט געלערנט ביי אונז אין 'בית פיגא', זי איז זייער טייער, זייער וואויל; זאלסטו איר נאר אויפבויען און געבן אסאך גוטע ווערטער, און דו וועסט זוכה זיין צו זען שיינע דורות.