בעזרת ה' יתברך - יום ד' פרשת ויחי, ט"ו טבת, שנת תשפ"ד לפרט קטן
לכבוד מיין טייערער ... נרו יאיר וזוגתו תחי'
דאס וואס איר זענט אריבער השם ישמרינו דארף ענק מאכן טראכטן 'וואס קען מען מאכן עס זאל נישט פאסירן נאכאמאל?' זאלט איר מקפיד זיין אויף אפגיסן נעגל וואסער, אזוי וועלן נישט זיין ביי ענק אין שטוב רוחות רעות און שדים.
גייט נישט שלאפן נאר נאכן זיך אנגרייטן "נעגל וואסער", און ליינט קריאת שמע שעל המטה. חכמינו זכרונם לברכה זאגן (ברכות ה.): "כָּל הַקּוֹרֵא קְרִיאַת שְׁמַע עַל מִטָּתוֹ", ווער עס ליינט קריאת שמע פארן גיין שלאפן – "מַזִּיקִין בְּדֵלִין מִמֶּנּוּ", גייען אלע מזיקים אוועק פון אים, "שֶׁנֶּאֱמַר", אזוי ווי עס שטייט (איוב ה, ז): "וּבְנֵי רֶשֶׁף", די מזיקים, "יַגְבִּיהוּ", גייען אוועק, "עוּף", דורך תורה, דורך ליינען קריאת שמע.
איך זאג ענק צו, אז איר וועט זיין געווארענט אין די צוויי זאכן, נעגל וואסער און קריאת שמע – וועט איר זוכה זיין, איר וועט נישט פארלירן, און זוכה זיין צו זרע של קיימא.