תוכן השאלה
לכבוד דער ראש ישיבה שליט"א,
ש'כח אייבערשטער אז איך האב געענדיגט תהילים.
איך האב מורא פון אזעקות, די סירענעס וואס פייפן דא אין ארץ ישראל ווען עס קומט צו פליען א באמבע, זענען מיר געגאנגען צו א דאקטער, און דער דאקטער האט געזאגט אז איך זאל גיין צו א מאמע וואס האט א האזעלע.
יישר כח
תשובה מאת הראש ישיבה שליט"א:
יום ב' פרשת שמות, י"ג טבת, שנת תשפ"ה לפרט קטן
... תחי', תלמידה בית פיגא
איך האב ערהאלטן אייער בריוו.
עס איז דא איין עצה אויף נישט מורא האבן; חזר'ן אמונה, חזר'ן 'דער אייבערשטער איז דא, דער אייבערשטער מאכט אלעס, דער אייבערשטער היט מיך, דער אייבערשטער היט אידישע קינדער'; ווי מער מען חזר'ט אמונה - איז מען מער רואיג, און די שרעק גייט אוועק.
א האזעלע (באני רעביט) וועט נישט העלפן, עס איז לאכעדיג אז די דאקטוירים ווייסן נישט ווי אזוי צו בארואיגן קינדער פון די פייפערייען וואס פייפט ווען עס קומט צו פליען א באמבע, זאגן זיי מען זאל גיין צו א האזעלע; שטותים והבלים, הויבט אן חזר'ן אמונה, הערט ניגונים פון אמונה, זינגט אמונה, זינגט "דער אייבערשטער איז דא, דער אייבערשטער איז דארט, דער אייבערשטער געפינט זיך אויף א יעדע ארט"; דאס וועט אייך בארואיגן, דאס וועט אייך געבן א שטארקקייט נישט צו מורא האבן פון קיין שום זאך אין די וועלט.
דער אייבערשטער זאל העלפן איר זאלט האבן הצלחה אין אלע ענינים.