תוכן השאלה
לכבוד דער ראש ישיבה שליט"א,
מיין מאן וויל פרעגן אויב מען מעג זיך קורצער מאכן די בארד.
פון ווען איך האב אים געזאגט אז די בארד איז די צינורות פון פרנסה, דאס ברענגט די פרנסה, רירט ער נישט אן בכלל די בארד, אבער עס שטערט מיר אז ביי איין זייט איז עס לענגער, מער ער עס אביסעלע צופיצן? אדער הייסט דאס שערן די בארד?
יישר כח
תשובה מאת הראש ישיבה שליט"א:
ערב שבת קודש פרשת האזינו, י"א תשרי, מחרת יום הכיפורים, שנת תשפ"ו לפרט קטן
מרת ... תחי'
איך האב ערהאלטן אייער בריוו.
בעטס נישט פון אייער מאן ער זאל זיך צו-פיצן די בארד, די בארד איז זייער הייליג און זייער וויכטיג פארן מענטש מיט זיינע דורות, יעדע איינצעלנע האר פונעם בארד איז שרעקליך הייליג.
די בארד ברענגט פרנסה, די בארד ברענגט שפע, די בארד איז די צינורות, יעדע איינצעלנע האר פונעם בארד איז אזוי הייליג, מען קען זיך גארנישט פארשטעלן דאס טייערקייט און הייליגקייט פון דעם.
א גוט שבת.