יג טבת תשפ"ו

בעזרת ה' יתברך - ערב שבת קודש פרשת ויחי, י"ג טבת, שנת תשפ"ו לפרט קטן

 

לכבוד ... נרו יאיר

שלאג נישט אין שטוב די קינדער, מען טאר נישט שלאגן, בפרט אום שבת קודש טאר מען נישט זיין בכעס. דער זוהר הקדוש זאגט (תקוני זוהר, תיקון מח) אויפן פסוק (שמות לה, ג): "לֹא תְבַעֲרוּ אֵשׁ בְּכֹל מֹשְׁבֹתֵיכֶם בְּיוֹם הַשַּׁבָּת", מען זאל נישט אנצינדן שבת קודש דעם אש הכעס; מען זאל זיך נישט כעס'ן שבת, זיך נישט קריגן שבת, נאר זיין פרייליך א גאנץ שבת.

שבת זאלסטו לערנען עצתו אמונה, דו וועסט באקומען חיזוק און שכל צו קענען אנגיין נאך א וואך מיט שלום בית, מיט חינוך הבנים און מיט זיך אליין, לערנען און דאווענען. לערן די בריוו, און ווען דו זעסט תפילות - זאלסטו דאס זאגן.

א פרייליכן שבת.