בעזרת ה' יתברך - יום ב' פרשת מקץ, כ"ב כסליו, שנת תשפ"ה לפרט קטן
מיין טייערער ... נרו יאיר
פאריגע וואך האב איך געמאכט א שבע ברכות ביי מיר אין שטוב פאר החתן ..., מיר האבן זיך זייער מחזק געווען מיטן הייליגן רבינ'ס ווערטער. איינער האט דערציילט ווי מען האט אים אנגעשראקן פאר זיין חופה אז מען טוט אן די ווייסע קיטל צו דערמאנען אז נאך אביסל וועט מען אנטון די ווייסע תכריכים, אז עס איז אים ממש שלעכט געווארן, ער האט נישט געהאט קיין חשק צו זיין חופה.
מיר האבן גערעדט אז אין ברסלב זאגט מען פארקערט, מען זאגט פארן נפטר אין די אויער: "קוק, מען האט דיר אנגעטון ווייסע תכריכים, דערמאן זיך אז דו האסט חתונה געהאט און געברענגט קינדער מיט מסירות נפש, האסט זיי מחנך געווען, איז וואס ביסטו אזוי בעצבות? דו לאזט איבער דורות וואס פירן זיך אויפן דרך הישר".
אשרינו אז מיר האבן א רבי וואס מאכט אונז פרייליך און שלעפט אונז ארויס פון די עצבות ומרה שחורה.
דער אייבערשטער זאל העלפן זאלסט האבן הצלחה אין אלע ענינים.