בעזרת ה' יתברך - יום ב' פרשת תצוה, ו' אדר, שנת תשפ"ו לפרט קטן
... נרו יאיר
דאס וואס דו שפירסט כסדר ווי דיין קאפ פלאצט דיר, דו ווילסט אנטלויפן פון דיר וכו'; דאס אלעס קומט ווייל דיין נפש איז הונגעריג פאר תורה, דיין נפש וויל אנטלויפן צום אייבערשטן, דיין נשמה איז הונגעריג פאר תורה; דו קענסט זיך דאס אליינס איבערצייגן, אז דו וועסט לערנען תורה יעדן טאג, דו וועסט לערנען חומש – שניים מקרא ואחד תרגום איינגעטיילט לויט די טעג פון די וואך צו ענדיגן די פרשה, און אפאר פרקים משניות מיט אפאר שורות גמרא – וועסטו ווערן צופרידן מיט זיך, און דיין ווייב וועט זיין צופרידן, אלעס וועט גוט ווערן.
ליבער ברודער, זיי זיך מוסר נפש צו לערנען תורה יעדן טאג, מאך זיך א קביעות צו לערנען אין שטוב איידער דו גייסט שלאפן. אנשטאט סירטשן אויפן טעלעפאן, טעבלעט וכו' – נעם די הייליגע תורה, דאס וועט דיר געבן חיות. דער הייליגער רבי זאגט (לקוטי מוהר"ן חלק א, סימן ח): "עיקר רוח החיים הוא בהתורה", דער עיקר לעבעדיגע גייסט – ליגט אין די תורה; וואויל איז דעם מענטש וואס לערנט תורה.