בעזרת ה' יתברך
יום א' פרשת כי תצא, ח' אלול, שנת תשפ"ב לפרט קטן
לכבוד מיין טייערער ... נרו יאיר
א גרויסן יישר כח פאר'ן מיר זארגן אז מיינע בגדים זאלן זיין גוט; פאר'ן טראגן מיין רעקל צום שניידער, און פאר'ן מיר קויפן נייע שבת'דיגע הויזן.
איך בין דיר זייער מכיר טובה פאר דעם.
איך פאר היינט צוריק קיין וויליאמסבורג; מיר גלוסט בכלל נישט צוריק צו גיין אין שטאט. חכמינו זכרונם לברכה זאגן (כתובות קי:): "ישיבת כרכים קשה", עס איז נישט גרינג, נישט ברוחניות און נישט בגשמיות; הלוואי וואלט איך געקענט בלייבן אין קרית ברסלב, אויך מיין ווייב וויל נישט צוריק פארן, זי וויל דא בלייבן, אויך די קינדער לעבן דא א חיים טובים.
איך בעט דעם אייבערשטן איך זאל קענען קומען וואוינען אין שטעטל מיט אנשי שלומינו.
א כתיבה וחתימה טובה.