בעזרת ה' יתברך - יום ג' פרשת ויגש, ז' טבת, שנת תשפ"ד לפרט קטן
לכבוד מיין טייערער ... נרו יאיר
היינטיגע צייטן זענען די נסיונות זייער גרויס, מען דארף זייער אכטונג געבן נישט צו געבן, בארגן אדער פארדינגען מאשינען וואס קענען זיך מתחבר זיין צו אינטערנעט, ווייל מיט א פערטל שעה קען מען ווערן אומגליקליך פאר די גאנצע לעבן.
עס איז געקומען צו מיר א בחור מיט א געוויין, ער האט געבארגט ביי דיר א מאשין צו קענען פארן און קומען, זען די וועג, און דער יצר הרע האט זיך אין אים אנגעצינדן, ער האט געעפנט די מאשין און געקוקט גלוי עריות השם ירחם, ער האט מיר דאס געגעבן, ער האט דאס נישט געוואלט האלטן.
בעט איך דיר זייער, זאלסט זיין זייער פארזיכטיג נישט צו געבן פאר בחורים, בארגן אדער פארדינגען – די סארט זאכן, עס קען זיין א לאו פון (ויקרא יט, יד): "וְלִפְנֵי עִוֵּר לֹא תִתֵּן מִכְשֹׁל".
דער אייבערשטער זאל רחמנות האבן אויף אונזער דור און שיקן משיח צדקינו במהרה בימינו, אמן.