בעזרת ה' יתברך - א' פרשת דברים, כ"ח תמוז, שנת תשפ"ג לפרט קטן
מרת ... תחי'
וואויל איז אייך און וואויל איז אייער חלק אז איר זענט מחזק אייער מאן ער זאל טון זיין הייליגע ארבעט, איר זענט וויליג ער זאל טון די אלע ארבעט וואס ער טוט פארן כלל.
חכמינו זכרונם לברכה זאגן (ברכות יז.): "גְּדוֹלָה הַבְטָחָה שֶׁהִבְטִיחָן הַקָּדוֹשׁ בָּרוּךְ הוּא לַנָּשִׁים יוֹתֵר מִן הָאֲנָשִׁים", דער אייבערשטער האט צוגעזאגט שכר פאר פרויען מער ווי פאר די מענער, ווייל אין זייער זכות איז דא תורה ביי כלל ישראל, אין זייער זכות שטייט די וועלט.
דער אייבערשטער זאל העלפן איר זאלט זען נחת ביי אייערע קינדער געזונטערהייט, ליכטיגע אידישע דורות.