בעזרת ה' יתברך
יום ה' לסדר כי תבוא לאומאן, י"ט אלול, שנת תשפ"ב לפרט קטן
לכבוד ... נרו יאיר
איך האב ערהאלטן דיין בריוו.
אויב ער שיקט נישט ארויס די חיזוק יומי - זאלסטו צוריקנעמען די נומער, און אדער דו זאלסט עס שיקן אדער וועל איך ברענגען א צווייטן זאל דאס ארויסשיקן.
זיי נישט ברוגז, איך האב פשוט געוואלט אז דער אינגערמאן ... זאל האבן א שייכות מיט הפצה - וועט עס אים אליינס העלפן. ווייל אז דו וועסט קוקן וועסטו זען, אלע וואס האבן א שייכות מיט הפצה בלייבן ווארעם צום רבי'ן, זיי בלייבן געטריי דעם רבי'ן. איך זוך אלץ ווי מער אינגעלייט זאלן האבן אן אמט אין די קהילה אדער מוסד, בבחינת (סנהדרין יז.): "הַטֵּל עֲלֵיהֶן צָרְכֵי צִיבּוּר וְהֵן כָּלִין מֵאֲלֵיהֶן", זאגן צדיקים, אז מען טוט צרכי ציבור, מען איז עוסק אין פארשפרייטן דעם אייבערשטן, הֵן כָּלִין מֵאֲלֵיהֶן, ווערט מען אויס, מען ווערט בטל ומבוטל צום אייבערשטן און אלע שלעכטס ווערט בטל ומבוטל.
אבער אז ער טוט עס נישט בשלימות - נעם עס צוריק, די חיזוק יומי איז נישט קיין קינדער שפיל; הונדערטער און טויזנטער אידן ווארטן אויף דעם טעגליך, זיי דארפן דאס ווי לופט צו אטעמען.
גיי נאך געלט פאר די מוסד, זיי עוסק אין די הייליגע מצוה דיין גאנץ לעבן. נעם דיר א שותף ר' ... נרו יאיר און גייט אינאיינעם צאמנעמען צדקה פאר די מוסד.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.