בעזרת ה' יתברך
יום ד' לסדר כי תבוא לאומאן, י"ז אלול, שנת תשפ"א לפרט קטן
לכבוד ... נרו יאיר
..., נאך אביסל פארט מען צום רבי'ן; עס קומט א נייע יאר, א נייע בלעטל; מען גייט פועל'ן ישועות, מען גייט אהיים ברענגען פעק און זעק מיט ישועות.
איך האף אז אנשי שלומינו זענען נישט בייז אויף מיר; שוין דריי מאל האט דאס פאסירט, קודם פאריאר סוכות האבן זיי געווארט אין די סוכה און עס האט זיך נישט אויסגעארבעט די לייוו הוקאפ, נאך ל"ג בעומר האבן זיי געווארט אין שול והוה מה דהוה, און יעצט איז שוין חזקה; מען שמועסט אפ א צייט, אלע קומען צו פארן און איך בין נישט צום געפונען.
עס איז מיר אזוי ארויס פון קאפ; איך בין געפארן קיין בארא פארק ענדיגן נאך א סידי אריין צו ברענגען אמונה אין אידישע קינדער, איך האב זיך זייער געפריידט אז מען האט געקענט מאכן עפעס א שטיקל שיעור, איך האף איר האט הנאה געהאט.
כדי עס זאל נישט פאסירן נאכאמאל איז גוט זאלסט בעטן איינער פון די בחורים זאלן שטיין אויף מיר אז די שיעור זאל זיין אזוי ווי געפלאנט.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.