בעזרת ה' יתברך
יום ד' פרשת קדושים, ג' אייר, שנת תשפ"ב לפרט קטן
מרת ... תחי' ברסלב, ליבערטי
בנוגע וכו'; קודם כל מיר האבן ספעציעל אויפגענומען דריי פרויען, עס זאל זיין פאר יעדן איינעם באקוועם. דאס הייסט אויב איינער שעמט זיך פון די פרוי זאל מען קענען גיין מיט א צווייטן, און אז איר זענט נישט באקוועם מיט קיינעם פון זיי, איר זענט נישט באקוועם מיט נאנטע מענטשן, איר ווילט נישט די מענטשן וועם איר קענט וכו' - קענט איר גיין אין א פלאץ וואו עס איז אייך באקוועם.
צעקלאפט אייך נישט, טוט וואס איז באקוועם פאר אייך; עס איז א נארמאלע זאך זיך צו שעמען צו גיין מיט א מענטש וועמען מען איז נאנט, אויך איז א נארמאלע זאך זיך נישט צו שעמען פון א נאנטע מענטש, ביידע וועגן זענען נארמאל; די פרויען וואס שעמען זיך נישט פון באקאנטע זענען נארמאל, אויך די וואס שעמען זיך פון באקאנטע זענען אויך נארמאל; טוט וואס איז באקוועם פאר אייך.
דער אייבערשטער זאל העלפן איר זאלט האבן הצלחה אין אלע ענינים.