בעזרת ה' יתברך
יום א' פרשת כי תצא, ח' אלול, שנת תשפ"ב לפרט קטן
מרת ... תחי', קאנטרי אילן החיים, קרית ברסלב
איך האב ערהאלטן אייער בריוו.
איך מוז אייך זאגן, איר האט מיר זייער מחי' געווען. איך האב זיך זייער געפריידט צו הערן די גוטע גרוסן פון סקול, ווי אייער טאכטער איז אהיים געקומען מיט א גוטע חינוך פון כיבוד אב ואם, און א גוטע חינוך פון תפילה, אמונה, און אזוי ווייטער.
אויך האב איך זיך זייער געפריידט אז איר האט זייער הנאה געהאט דעם זומער אין קאנטרי, און אז איר ווילט צוריק קומען קומענדיגע יאר, און אז אלע משפחות האבן הנאה געהאט; עס איז מיר א פארגענוגן צו הערן די גוטע זאכן, אז אלע משפחות האבן זייער הנאה געהאט.
דער אייבערשטער זאל העלפן איר זאלט האבן נחת ביי אייערע קינדער, איר זאלט האבן כח זיי צו ערציען, און מיר אלע זאלן האבן א כתיבה וחתימה טובה, א גוט געבענטשט יאר.
נאכאמאל, יישר כח פאר די שיינע גרוסן פון קאנטרי.