בעזרת ה' יתברך - יום א' פרשת חקת, ג' תמוז, שנת תשפ"ה לפרט קטן
טייערער ... נרו יאיר
האסט אזוי גוט געזאגט, אז דיין גאנצע זאך וואס מאכט דיך אנגיין איז די שיחה פון הייליגן רבי'ן, שיחות הר"ן סימן סז, ווער עס פאלגט די בעלי שכל, אפילו ער איז אנגעפילט מיט משוגעת'ן – פאלט אלעס אוועק; ווייל דו אליין אינעם רבי'ן וואלט שוין לאנג אויפגעגעבן, און די איינציגסטע זאך וואס מאכט דיך אנגיין איז די חיזוק און עצות פון הייליגן רבי'ן, וואס איז אונז מחזק מיר זאלן נישט אויפגעבן, און "מאחר שהגדול ממנו אומר לו שאינו צריך לעשות כן, בוודאי מתבטל כל השגעון שלו".
ברודער, מיט די שיחה קען מען זוכה זיין צו ווערן א גרויסער צדיק, מיר דארפן פאלגן דעם רבי'ן, דער בעל שכל, און אננעמען זיינע ווערטער כי הוא זה, און אז דער רבי זאגט: "גיוואלד זייט אייך נישט מייאש, קיין יאוש איז גארנישט פארהאן", דארפן מיר אים גלייבן און וויסן אז אזוי איז עס.
איך האב דיך ליב.