בעזרת ה' יתברך
יום ד' פרשת כי תצא, י"א אלול, שנת תשפ"ב לפרט קטן
לכבוד מיין טייערער ... נרו יאיר, ברוקלין
א סגולה פאר עשירות איז "זיין פרייליך", נישט לאזן די עצבות פאר קיין איין רגע; דאס איז די בעסטע סגולה פאר עשירות.
שלמה המלך זאגן (משלי י, כב): "בִּרְכַּת ה' הִיא תַעֲשִׁיר", די ברכה פונעם אייבערשטן מאכט רייך, "וְלֹא יוֹסִף עֶצֶב עִמָּהּ". קען זיין פשט, ווען איז דא די "בִּרְכַּת ה' הִיא תַעֲשִׁיר", ווי אזוי איז מען זוכה צו באקומען די ברכה פונעם באשעפער און זיין רייך? ווען עס איז: "וְלֹא יוֹסִף עֶצֶב עִמָּהּ", ווען דער מענטש לאזט נישט ביי זיך עצבות ומרה שחורה.
ווער עס שטופט אוועק די דאגות און עצבות, ער לעבט מיט אמונה, ער גלייבט און ווייסט אז אלעס וואס פאסירט איז פונעם באשעפער; זיין געלט, זיין ארבעט, זיין אלעס - איז אייבערשטער, ער פריידט זיך און ער לאזט נישט די עצבות זיך מתגבר זיין אויף אים, דער איז זוכה צו "בִּרְכַּת ה' הִיא תַעֲשִׁיר", דער ווערט רייך; והבן למעשה.
דו בעטסט שטענדיג איך זאל דיר בענטשן מיט עשירות; זיי פרייליך - וועסטו ווערן רייך.
א כתיבה וחתימה טובה.