בעזרת ה' יתברך - יום ד' פרשת שופטים, ג' אלול, שנת תשפ"ה לפרט קטן
... תחי'
בנוגע וואס דער רבי זאגט מען זאל שווערן מיט א ספר תורה אז "נאכן פטירה, נאכן אוועק גיין פון די וועלט – זאל מען מיך טראגן צום צדיק רבינו נחמן בן פיגא מברסלב זכותו יגן עלינו', און אזוי פירן זיך אנשי שלומינו; שמחת תורה ביי די הקפות, ביים טאנצן מיט די תורה שווערט מען; איר פרעגט וואס איז מיט פרויען?
מוהרא"ש זאגט, פרויען קענען דאס טון ביי די מזוזה, מען כאפט אן די מזוזה און מען שווערט, מען זאגט: "איך שווער אז איך לאז נישט אפ דעם רבי'ן, און ווען איך וועל זיין א נפטר זאל מען מיך גלייך נעמען צום צדיק רבינו נחמן בן פיגא זכותו יגן עלינו ועל כל ישראל אמן", דאס איז א וועג צו ווערן געראטעוועט פון כל עקתין בישין דייתון לעלמא, בזה ובבא.