בעזרת ה' יתברך - יום א' פרשת נצבים וילך, י"ז אלול, שנת תשפ"ו לפרט קטן
... נרו יאיר, בארא פארק
דער הייליגער אר"י הקדוש האט מגלה געווען אז אין די צען טעג פון ראש השנה ביז נאך יום הקדוש זאל מען זאגן צווישן ישתבח און יוצר אור קאפיטל ק"ל: "שיר המעלות ממעמקים", און דורכדעם גייט מען ארויס פון אלע שלעכטס, ווייל דורכדעם וואס מען בעט זיך 'ממעמקים קראתיך ה'', מען שרייט צום אייבערשטן מעימקא דלבא, פון די טיפעניש פון הארץ, איז מען זוכה אז מען טרעפט די וועג ארויס.
על כן בעט איך דיר זייער, ווען דו זאגסט דעם קאפיטל זאלסטו זיך גוט אויסבעטן און דו זאלסט זיך שטילערהייט מתוודה זיין אויף אלע עבירות אין וואס דו ביסט נכשל געווארן די יאר, יעדע פסוק זאלסטו זאגן מיט גרויס כוונה, און זאג צו פארן אייבערשטן אז דו גייסט מער נישט טון קיין עבירות, און אז דו גייסט די יאר נאר טון גוטע זאכן, מצוות און מעשים טובים, ווייל יעצט ווען דו זאגסט די קאפיטל איז א גרויסע עת רצון אין הימל, און דער אייבערשטער וועט דיר מוחל זיין אויף אלע דיינע עבירות, אזוי ווי די קאפיטל ענדיגט זיך: "והוא יפדה את ישראל מכל עוונותיו".
איך האף דיך צו זען אין אומאן.
א כתיבה וחתימה טובה.