בעזרת ה' יתברך - יום ד' פרשת ויחי, ט"ו טבת, שנת תשפ"ד לפרט קטן
מרת ... תחי', קרית ברסלב
איך האב ערהאלטן די פרייליכע מעסעדזש, אז לכבוד אייער געבורטסטאג האט איר אויפגעגעבן אייער סמארטפאון און טעבלעט.
דאס איז די קלוגסטע זאך וואס איר האט געטון פאר אייך, פאר אייער מאן און קינדער. יעצט וועט איר קענען מאכן די ברכה אינדערפרי: "בָּרוּךְ אַתָּה ה' אֱלֹקֵינוּ מֶלֶךְ הָעוֹלָם, שֶׁלֹּא עָשַׂנִי עָבֶד", שכוח אייבערשטער איך בין נישט קיין קנעכט; מיט א טעלעפאן איז מען א קנעכט, מען כאפט זיך אליינס נישט אז מען איז נישט זיך, מען איז נישט פריי, מען איז געבינדן פיר און צוואנציג שעה מיטן טעלעפאן.
מאכט תפילה צום אייבערשטן איר זאלט זיין שטארק נישט צוריק צו לויפן צו דעם.