תוכן השאלה
לכבוד דער ראש ישיבה שליט"א,
איך האב געוואלט דערציילן פאר'ן ראש ישיבה שליט"א אז איך האב זוכה געווען זיך אפצושערן די האר פון קאפ לכבוד די נייע יאר.
איך האב זוכה געווען דערצו נאכ'ן הערן אזויפיל שיעורים פונעם ראש ישיבה שליט"א וואס רעדט נאכאנאנד פון די גרויסקייט פון אידישע פרויען וואס שערן זיך די האר, ווי חשוב דאס איז ביים אייבערשטן, און אין זכות פון די תפילות פון מיין מאן.
איך האב אין מיין לעבן נישט געטראכט אז איך וועל אמאל זוכה זיין צו טון אזא גרויסע און געוואלדיגע זאכן. ווען דער ראש ישיבה שליט"א האט געזאגט ביי שיעורים אז אפילו מען האלט נאכנישט דערביי, זאל מען כאטש בעטן דעם אייבערשטן אויף דעם, האב איך אפילו דאס נישט געוואלט טון.
איך וועל זיך פרייען צו באקומען גוטע ברכות פונעם ראש ישיבה שליט"א.
יישר כח
תשובה מאת הראש ישיבה שליט"א:
יום ב' פרשת וזאת הברכה א', ה' תשרי, שנת תשפ"ה לפרט קטן
מרת ... תחי'
דער אייבערשטער זאל העלפן, בזכות אייער מסירות נפש וואס איר האט געטון, איר האט זיך אפגעשוירן די האר - זאלט איר זוכה זיין צו ערליכע געזונטע קינדער, אזוי ווי די רבי זאגט (ספר המדות אות בנים, סימן ט): "צְנִיעוּת שֶׁבָּאִשָּׁה מְזַכָּה לָהּ לְבָנִים הֲגוּנִים"; און די שכינה הקדושה זאל רוען ביי ענק אין שטוב, עס זאל זיין פרנסה בשפע, מיט אלע ברכות און אלע ישועות.
א גמר חתימה טובה, א גוט געבענטשט יאר.