תוכן השאלה
לכבוד דער ראש ישיבה שליט"א,
איך האב ברוך ה' זוכה געווען צו א ליכטיג קינד, דער אייבערשטער זאל העלפן מיר זאלן אים קענען מגדל זיין לתורה ולחופה ולמעשים טובים.
איך האב געוואלט פרעגן איבער דעם וואס ס'איז מיר זייער שווער אכטונג צו געבן צו זיין געהעריג צוגעדעקט ווען איך געבט צו עסן פאר'ן קינד, וואס קען איך טון?
יישר כח
תשובה מאת הראש ישיבה שליט"א:
בעזרת ה' יתברך
יום א' פרשת דברים, כ"ז תמוז, שנת תש"פ לפרט קטן
מרת ... תחי'.
איך האב ערהאלטן אייער בריוו.
ערליכע פרויען פירן זיך ווען זיי געבן צו עסן פאר'ן קינד - צו האלטן אויף זיך א ווינדל כדי צו זיין צניעות'דיג; עס איז נאר שווער ביז ווילאנג מען געוואוינט זיך צו צו דעם, איינמאל מען געוואוינט זיך צו איז דאס שוין נישט שווער.
יעדע זאך אין צניעות קען מען אנקוקן שווער און מען קען עס אנקוקן גרינג - ווי א זאך וואס מען קען נישט לעבן אן דעם; עס ווענדט זיך ווי אזוי מען געוואוינט זיך צו.
וואויל איז די פרוי וואס פירט זיך בצניעות, דורכדעם וועט זי זוכה זיין צו ערליכע קינדער, אזוי ווי דער רבי זאגט (ספר המידות, אות בנים, סימן ט): "צְנִיעוּת שֶׁבָּאִשָּׁה מְזַכָּה לָהּ לְבָנִים הֲגוּנִים", א פרוי וואס פירט זיך איידל און צניעות'דיג וועט זוכה זיין צו גוטע קינדער.
דער אייבערשטער זאל העלפן איר זאלט האבן הצלחה אין אלע ענינים.