תוכן השאלה
לכבוד דער ראש ישיבה שליט"א,
מיין מאן האט אנגעהויבן נעמען אונזער אינגל אין מקוה אום פרייטאג לכבוד שבת קודש, ער איז זיבן און א האלב יאר אלט, און די ערשטע וואך האט ער געהאט אסאך קשיות, צום ביישפיל פארוואס איז נישט דא קיין טירן אויף די שויערס, און נאך. ער איז שוין געווען פיר מאל פרייטאג אין מקורה, און ער האט שוין אויפגעהערט רעדן פון דעם, אבער איך וויל וויסן אויב ער איז נישט צו יונג צו גיין אין מקוה, איך מיין אז ביי צען יאר איז די ריכטיגע צייט אנצוהויבן גיין אין מקוה.
יישר כח
תשובה מאת הראש ישיבה שליט"א:
יום ד' פרשת חיי שרה, כ"א מרחשון, שנת תשפ"ו לפרט קטן
מרת ... תחי'
איך האב ערהאלטן אייער בריוו.
עס איז גוט צו נעמען קינדער אין מקוה, זיי מחנך זיין מיט מקוה, זיי זאלן זיך צוגעוואוינען זיך צו טובל'ן, און אויך זיי לערנען זיך צו פירן איידל.
מען דארף נאר זייער אכטונג געבן בשום אין אופן לאזן קינדער גיין אין מקוה אליין אן קיין השגחה, דאס איז סכנת נפשות; נישטא אזא זאך א טאטע זאל לאזן די קינדער גיין אליין.
דער אייבערשטער זאל העלפן איר זאלט האבן הצלחה אין אלע ענינים.