תוכן השאלה
לכבוד דער ראש ישיבה שליט"א,
איך מוז באקומען הילף, איך בין אזוי דערשראקן, איך קען גארנישט טון פון פחד. היינט אינדערפרי האט מיין מאמע מיר געזאגט אז טערקיי פלאנט אריינצוגיין אין ארץ ישראל און אייננעמען ארץ ישראל.
איך האב זיך אזוי דערשראקן, איך פיל זיך ווי אין א חלום, א שרעקעדיגע בייסיגע חלום, היינטיגע צייטן צו הערן אזעלכע שרעקעדיגע זאכן, איך פיל ווי איך קען עס נישט נעמען, איך וויל אנטלויפן צו איך ווייס נישט וואו, דא האב איך מורא צו בלייבן.
איך האב נישט צו וועמען צו גיין, איך קום בעטן אן עצה איך זאל ווייטער קענען אנגיין, איך פיל ווי עס גייט זיך איבעררייסן, איך קען שוין נישט נעמען מער די מצב.
איך ציטער, איך האב מורא, דער ראש ישיבה שליט"א מוז מיר העלפן.
יישר כח
תשובה מאת הראש ישיבה שליט"א:
יום ב' פרשת מטות מסעי, כ"ג תמוז, שנת תשפ"ד לפרט קטן
מרת ... תחי'
איך האב ערהאלטן אייער בריוו.
טערקיי איז ישמעאל, און ישמעאל איז תפילה, אזוי ווי עס שטייט (בראשית טז, יא): "וְקָרָאת שְׁמוֹ יִשְׁמָעֵאל כִּי שָׁמַע ה'" וגו', זאלסט רופן דעם קינד מיטן נאמען 'ישמעאל', ווייל דער אייבערשטער האט אויסגעהערט דיין קול; און ארץ ישראל איז אמונה, אזוי זאגט דער רבי (לקוטי מוהר"ן חלק א, סימן קנה): "ארץ ישראל הוא בחינת אמונה", אזוי ווי עס שטייט (תהילים לז, ג): "שְׁכָן אֶרֶץ וּרְעֵה אֱמוּנָה", און די הייליגע חכמים זאגן (כתובות קי:): "כל הדר בארץ ישראל דומה כמי שיש לו אלוק"; דאס איז די נייעס, ישמעאל נעמט איין ארץ ישראל; מיט תפילה איז מען זוכה צו אמונה, און משיח צדקינו וועט אייננעמען די וועלט מיט די חרב התפילה.
זינגט לעבעדיגע און פרייליכע ניגונים - וועט איר אויפהערן מורא צו האבן, אזוי ווי דער רבי זאגט (ספר המידות אות פחד, סימן יא): "מִי שֶׁיֵּשׁ לוֹ פְּחָדִים, יְזַמֵּר זֶמֶר שֶׁל שִׂמְחָה", ווער עס האט שרעק - זאל זינגען פרייליכע ניגונים.
דער אייבערשטער זאל העלפן איר זאלט האבן הצלחה אין אלע ענינים.