תוכן השאלה
לכבוד דער ראש ישיבה שליט"א,
איך הער כסדר די שיעורים פונעם ראש ישיבה שליט"א און איך בין זיך ממש מחי'.
איך בין ארויס פון מיין ארבעט אנהויב זומער ווייל זיי האבן נישט באצאלט פאר אפאר חדשים, זיי זענען מיר שולדיג געבליבן שווערע צענדליגע טויזענטערס. ברוך ה' דער אייבערשטער האט מיר געהאלפן און צוגעשיקט א גוטע ארבעט פאסטן וואו מען צאלט יא, מיין פריערדיגער בעל הבית האלט אבער מיר נישט ביים באצאלן, זאל איך אים רופן צו דין תורה?
יישר כח
תשובה מאת הראש ישיבה שליט"א:
יום א' פרשת משפטים, י"ח שבט, שנת תשפ"ה לפרט קטן
לכבוד ... נרו יאיר
איך האב ערהאלטן דיין בריוו.
יעדע סכסוך וואס איז דא צווישן איין איד מיטן צווייטן - איז ריכטיג צו גיין צו א רב און זיך אויסקומען, אדער גיין צו א בית דין און פאלגן די בית דין.
אז דו ווילסט האבן פרנסה בשפע - זאלסטו נעמען די סגולה וואס מוהרא"ש זאגט, פון בענטשן ברכת המזון פון אינעווייניג, ווארט ביי ווארט בקול ובשמחה. מוהרא"ש זאגט, דאס בענטשן אין א בענטשער - איז מסוגל פאר עשירות, עס איז בדוק ומנוסה.
דער אייבערשטער זאל העלפן זאלסט האבן הצלחה אין אלע ענינים.