תוכן השאלה
לכבוד דער ראש ישיבה שליט"א,
קודם כל א גרויסן יישר כח פאר אלע שיעורים און חיזוק, און בפרט אויף די סדר דרך הלימוד פונעם רבי'ן.
ברוך השם איך קען יעצט זאגן אז איך האב דעם פארגאנגענעם שבת קודש געענדיגט די זיבעטע מאל ששה סדרי משנה, און די ערשטע מאל אלע פיר חלקים עצתו אמונה אויף אידיש.
א גרויסן יישר כח
תשובה מאת הראש ישיבה שליט"א:
בעזרת ה' יתברך
יום ה' פרשת ויצא, ז' כסליו, שנת תשפ"ב לפרט קטן
לכבוד ... נרו יאיר
איך פריי זיך זייער צו הערן אז דו ביסט זיך מחי', דו נוצט דעם הייליגן רבינ'ס עצות, דו נעמסט די עצות אויף לעובדא ולמעשה.
לאז נישט אפ די משניות; לערן דאס אן א שיעור מאל. משניות וועט דיר ראטעווען, משניות מאכט ריין, משנות נעמט ארויס פון אלע פראבלעמען.
דער חיד"א זאגט (נחל קדומים) אויפ'ן פסוק (בראשית כח, טז): "וַיִּיקַץ יַעֲקֹב מִשְּׁנָתוֹ", זאגט דער הייליגער חיד"א, 'ויקץ' איז א לשון פון ענדע, 'משנתו' - דאס איז משניות; דורך משניות קומט אן ענדע צו אלע צרות, מען ווערט אויסגעלייזט.
דער אייבערשטער זאל העלפן זאלסט האבן הצלחה אין אלע ענינים.