שאלה אין קורצן ענין
#1 - מיינע עלטערן לאזן מיר נישט האבן א סעלפאון, וואס טו איך?
כיבוד אב ואם

תוכן השאלה‎

לכבוד דער ראש ישיבה שליט"א,


איך בין א מיידל פון פופצין יאר, איך הער כסדר אויס אייערע שיעורים און חיזוק יומי, און דאס העלפט מיר אסאך אין לעבן.


איך האב אייך געוואלט פרעגן איבער דעם וואס איך וויל זייער שטארק האבן א סעלפאון, אבער מיינע עלטערן ווילן מיר דאס נישט ערלויבן.


עס שטערט מיר אז מיין ברודער האט שוין געהאט א סעלפאון ווען ער איז געווען פערצן יאר, און פארוואס טאר איך נישט האבן קיין סעלפאון ביי די פופצין.


איך וועל אייך דאנקבאר זיין אויב איר וועט מיר געבן אן עצה וואס צו טון.


יישר כח.

תשובה מאת הראש ישיבה שליט"א:‎

בעזרת ה' יתברך


יום א' פרשת בשלח, ה' שבט, שנת תשע"ח לפרט קטן


 


לכבוד ... תחי'


איך האב ערהאלטן אייער בריוו.


פאלגט אייערע עלטערן; אז זיי זאגן אז איר דארפט נישט קיין סעלפאון ווייסן זיי וואס זיי זאגן. אויב איר וועט זיי פאלגן וועט איר זוכה זיין צו טרעפן א גוטע שידוך און איר וועט האבן נחת פון אייערע קינדער.


דער רבי זאגט (לקוטי מוהר"ן, השמטה, תחלת חלק שני): אויפן פסוק (יחזקאל לג, כד): "אֶחָד הָיָה אַבְרָהָם", אברהם אבינו האט געדינט דעם אייבערשטן וויבאלד ער איז געווען איינער אליינס; ווען א מענטש קוקט נאר אויף זיך, דעמאלט איז ער א גליקליכער מענטש, א צופרידענער מענטש. אז אייערע עלטערן ווילן נישט אז איר זאלט האבן א סעלפאון, פאלגט זיי. אפילו עס שטערט אייך פארוואס אייער ברודער מעג יא האבן וכו'.


אויב מען קוקט אויף זיך דעמאלט איז מען מצליח; אלע פראבלעמען הייבן זיך אן ווען מען קוקט אויף א צווייטן.


דער אייבערשטער זאל אייך העלפן איר זאלט טרעפן א גוטע שידוך בקרוב.