תוכן השאלה
לכבוד דער ראש ישיבה שליט"א,
איך האב געוואלט פרעגן אויב ס'איז א פראבלעם צו האבן וואטסעפפ, אויב מען נוצט עס נאר צו שרייבן, און נישט צו קוקן נייעס און נארישקייטן?
יישר כח פאר די געוואלדיגע שיעורים און חיזוק.
יישר כח
תשובה מאת הראש ישיבה שליט"א:
יום ה' פרשת כי תצא, ט' אלול, שנת תשפ"ד לפרט קטן
לכבוד ... נרו יאיר
איך האב ערהאלטן דיין בריוו.
עס איז זיכער בעסער זיך צו באגיין אן דעם, ווייל דאס ציט מיט א שטארקע מאגאנעטישע כח און עס בארויבט דעם מענטש זיין צייט, זיין יוגענט, זיין ווייב און קינדער, זיין אלעס.
עס לוינט נישט צו אנהויבן מיט די זאכן, אזויפיל מענטשן האבן פארלוירן זייער יראת שמים דורכן טעלעפאן. איך אליין קען צענדליגער אינגעלייט וואס זענען געווען טייערע אינגעלייט, איידעלע אינגעלייט, זיי זענען געגאנגען ארבעטן און זיי האבן אנגעהויבן ביי די ארבעט איידעלערהייט נאר דאס, און נאר יענץ - און זיי האבן פארלוירן זייער רואיגקייט, זייער ישוב הדעת, זייער יראת שמים וכו'.
זאג יעדן טאג דעם יום תהלים, דאס וועט דיך ברענגען צו זיין ערליך.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.