תוכן השאלה
לכבוד דער ראש ישיבה שליט"א,
קודם כל וויל איך זיך באדאנקען פאר אלע שיינע שיעורים און חיזוק, וואס א דאנק דעם האב איך נישט פארפאסט דאס יאר קיין איין טאג פון מעביר סדרה זיין, און אזוי אויך האב איך זיך געמאכט א שיעור אין זוהר הקדוש יעדן טאג.
איך האב געוואלט פרעגן א שאלה, איך האב געהערט א מעשה אז עס איז געווען אין ירושלים א געוויסער גדול וואס אוועק פון דער וועלט יונגערהייט, האט עפעס א גדול געזאגט אז ער איז אוועק יונגעהייט ווייל ער האט עוסק געווען אין קבלה; מיין שאלה איז צי מען דארף נישט מורא האבן פון לערנען זוהר הקדוש?
אויך וואלט איך געוואלט האבן מער חיזוק אויף לערנען יעדן טאג.
יישר כח
תשובה מאת הראש ישיבה שליט"א:
יום א' פרשת נשא א', ראש חודש סיון, שנת תשפ"ו לפרט קטן
לכבוד ... נרו יאיר
איך האב ערהאלטן דיין בריוו.
זאגן זוהר איז פאר אלעמען, אויך פאר יונגע; זאגן זוהר איז נישט קיין שרעקעדיגע זאך, זאגן זוהר איז א הייליגע זאך, מען ווערן אויסגערייניגט און אויסגעאיידלט. דער הייליגער רבי זאגט (שיחות הר"ן, סימן קח): "יָדוּעַ שֶׁלִּמּוּד הַזֹּהַר", לערנען זוהר "מְסֻגָּל מְאֹד מְאֹד", איז זייער מסוגל פאר די נשמה, "וְדַע שֶׁעַל יְדֵי לִמּוּד הַזֹּהַר נַעֲשֶׂה חֵשֶׁק לְכָל מִינֵי לִמּוּדָם שֶׁל הַתּוֹרָה הַקְּדוֹשָׁה", דורך לערנען דעם הייליגן זוהר באקומט מען א שטארקע גליסטעניש צו לערנען אלע ספרים פון די הייליגע תורה.
זאג יעדן טאג זוהר, דאס וועט דיר אויסרייניגן דיין נפש, רוח און נשמה. דער הייליגער אריז"ל האט געגעבן א תיקון פאר א בעל תשובה ער זאל יעדן טאג לערנען פינף בלעטער תיקוני זוהר, אז דאס וועט אים מתקן זיין.
דער אייבערשטער זאל העלפן זאלסט האבן הצלחה אין אלע ענינים.