תוכן השאלה
לכבוד דער ראש ישיבה שליט"א,
איך האב געוואלט פרעגן אויב ס'איז א פראבלעם צו עסן פיש מיט מילכיגס, צום ביישפיל ארויפצולייגן פוטער אויף סעלמאן פיש, אדער צו לייגן אינעם זעלבן טעלער פיש מיט לאקשן און קעז?
יישר כח
תשובה מאת הראש ישיבה שליט"א:
יום ה' פרשת במדבר, כ"ט אייר, מ"ד לעומר, שנת תשפ"ד לפרט קטן
מרת ... תחי', קרית ברסלב
איך האב ערהאלטן אייער בריוו.
די ספרד'ישע אידן עסן נישט קיין פיש מיט מילך, ביי זיי איז דאס אסור, אבער אונז אשכנז'ישע אידן עסן מילך מיט פיש, נאר מיר פירן זיך נישט צו עסן פיש מיט קעז (טשיז) ווייל עס איז א סכנה, און דער רבינו בחיי ברענגט (שמות כג, יט) אויפן פסוק "לא תבשל גדי בחלב אמו", בשם חכמי הרופאים, אז עסן קעז מיט פיש ברענגט סערייעסעס (קרעץ).
דער אייבערשטער זאל העלפן איר זאלט האבן הצלחה אין אלע ענינים.