ו ניסן תשפ"ו

בעזרת ה' יתברך - יום ג' פרשת צו, ו' ניסן, שנת תשפ"ו לפרט קטן

 

לכבוד ... נרו יאיר

לאז זיך נישט נאך פון דיינע מנהגים און לאז נישט נאך פון דיין מסורה ווי אזוי מען ברענגט אריין דעם פסח, הער נישט אויס די וואס זאגן אז ווען מען ווערט מקורב צום רבי'ן דארף מען אפלאזן אלע מנהגים, עס איז נישט ריכטיג, נישט דאס איז היכל הקודש, נישט דאס איז התקרבות לצדיק.

היכל הקודש איז נישט אפלאזן הייליגע מנהגים, היכל הקודש איז מחזק זיין צו ווערן נענטער צום אייבערשטן, היכל הקודש איז צו דערמאנען מען זאל בעטן אויף יעדע זאך דעם אייבערשטן, אז מען זאל מתפלל זיין צו האבן א כשר'ע פסח, א הייליגע פסח.

קענסט מיר נאך העלפן פאר יום טוב, איך בין אנגעוויזן אויף דיין הילף, איך קען נישט גיין צום סדר ווען איך בין שולדיג פאר מיינע ארבעטער, דו קענסט מיר העלפן מאכן גרינגער, פארבינד זיך מיט אברהם משה שטראססער נרו יאיר, ער העלפט מיר שאפן געלט צו קענען באצאלן אלע מלמדים, טיטשערס, אפיס וכו'.

דער אייבערשטער זאל העלפן מיר זאלן זוכה זיין צו (פסחים קטז:): "וְנֹאכַל שָׁם מִן הַזְּבָחִים וּמִן הַפְּסָחִים"; און צו (מיכה ז, טו): "כִּימֵי צֵאתְךָ מֵאֶרֶץ מִצְרָיִם אַרְאֶנּוּ נִפְלָאוֹת", אמן.