כט חשון תשפ"ו

בעזרת ה' יתברך - יום ה' פרשת תולדות, כ"ט מרחשון, שנת תשפ"ו לפרט קטן

 

לכבוד ... נרו יאיר

נעם פון בית הדפוס גליונות און לייג דאס אין די געגנט פון דיין שטוב; אין שולן, כוללים, ישיבות וכו'.

רבי נתן זכרונו לברכה דערציילט (חיי מוהר"ן, סימן תקמג), דער רבי פלעגט פארשעמען די תלמידים וואס האבן זיך ארויסגעדרייט פון טון 'הפצה'; און איינמאל מוצאי שבת האט דער רבי אונז געגעבן מוסר אפאר שעה היתכן מיר זענען נישט גענוג עוסק אין פארשפרייטן די עצות פאר אנדערע, מקרב זיין נאך מענטשן צום אייבערשטן, דער רבי האט דעמאלט געניצט דעם אויסדרוק: "איר זענט 'טריקענע ביימער', ענק געבן נישט ארויס קיין פירות"; אזוי ווי טריקענע ביימער, אילני סרק, עצים יבשים.

שרייב זיך איין ביי די גבאים פון בית הדפוס דו זאלסט באקומען די וועכנטליכע גליונות, אויך די זוהר גליון, אויך די חינוך גליון, אלע גליונות; לייג דאס אין די שולן אין דיין געגנט, און נאר אז מען איז עוסק אין הפצה בלייבט מען ביים רבי'ן. אזוי ווי דער בעטלער האט געזאגט (ספורי מעשיות מעשה יג, דעם צווייטן טאג): "אוּן אִיךְ זָאג אַייךְ, אַז אִיר וֶועט זֵיי נִיט הֶעלְפִין וֶועט עֶס אַייךְ אוֹיךְ שַׁאטִין"; מען מוז זיין פארנומען מיט אנטרינקען ביימער נישט צו ווערן אויסגעטריקנט, און דאס וועט מתקן זיין אלעס וואס מען דארף מתקן זיין, מען זאל נישט פארשעמט ווערן אויף יענע וועלט. אזוי ווי דער רבי זאגט (ספר המדות אות ניאוף, סימן מא): "תִּקּוּן לְהוֹצָאַת זֶרַע לְבַטָּלָה, שֶׁיִּשְׁתַּדֵּל לְהַחֲזִיר בְּנֵי אָדָם בִּתְשׁוּבָה", אז מען איז עוסק אין הפצה, אין די גרויסע זאך פון צוריק ברענגען מענטשן צום אייבערשטן - ווערט פארראכטן וואס מען האט פוגם געווען אין פגם הברית.

היינט נאכט וועט זיין די שיעור אין ישיבה.

דער אייבערשטער זאל העלפן זאלסט האבן הצלחה אין אלע ענינים.