בעזרת ה' יתברך - יום ב' פרשת ואתחנן, י' מנחם-אב, שנת תשפ"ה לפרט קטן
טייערער ... נרו יאיר, קרית ברסלב
איך בין זייער איבער גענומען פון דיר און דיין ווייב, ווי ענק האבן אזא שכל צו אויסהאלטן ענקער איידעם, אים געבן קעסט ער זאל קענען לערנען; דאס איז דאך אזא הייליגע זאך, צו קענען העלפן דעם איידעם זאל לערנען, ער זאל נישט צעקוועטשט ווערן פון דארפן צאלן רענט.
הלוואי וואלטן ענק דאס געקענט אריינברענגען צווישן אנשי שלומינו, מען זאל ענק נאכמאכן, אז די אינגעלייט וואס האבן חתונה זאלן נישט דארפן גלייך פארמאכן די גמרא צו ברענגען פרנסה. בפרט דא אין שטעטל, ביי די וואס האבן א דירה, דאס וואס האבן איבער געבויט די בעיסמענט, און אנשטאט קאלעקטן אפאר דאלער פון א טענענט – זאל מען דאס ענדערש געבן פארן זון אדער איידעם אן בעטן רענט, ער זאל קענען אביסל לערנען, זיך אנגרייטן בקדושה ובטהרה פארן לעבן.