בעזרת ה' יתברך
יום ב' פרשת עקב, י"ג מנחם-אב, שנת תש"פ לפרט קטן
... תחי'.
איך האב ערהאלטן אייער בריוו.
ווען דעם רבינ'ס ווייב איז נפטר געווארן און דער רבי איז געווען אין ראדוויל בעפאר'ן א שידוך טון מיט זיין צווייטע ווייב, זענען געקומען אסאך פרויען זיך משדך זיין מיט אים, האט דער רבי געזאגט (חיי מוהר"ן, סימן תקצה): "אלע זענען מיינע שידוכים, און יעדער מענטש האט כמה וכמה זיווגים, ביי יעדן איינעם גייט עס אנדערש", אלע שידוכים וואס מען רעדט איז שוין אויך א בחינה פון א שידוך, אפילו עס ווערט נישט אויסגעפירט.
דעריבער, אז דער שידוך וכו' האט זיך נישט געענדיגט - איז נאך נישט עק וועלט; וואס ווייסן מיר, מיר ווייסן דען וואס איז גוט פאר אונז? אז מען האט שוין געהאלטן אזוי נאנט צום שידוך און ביים סוף האט זיך איינער אריין געמישט און דאס צעשטערט איז נאך נישט עק וועלט, אויב איר וועט זיך דערהאלטן וועט קומען בקרוב א גוטע שידוך.
דאנקטס און לויבטס דעם אייבערשטן אויף אלע חסדים וואס ער טוט מיט אייך וועט דער אייבערשטער מאכן מיט אייך גרויסע ניסים.
דער אייבערשטער זאל העלפן איר זאלט האבן הצלחה אין אלע ענינים.