בעזרת ה' יתברך
יום ד' פרשת נשא, ח' סיון, אסרו חג שבועות, שנת תשפ"א לפרט קטן
... תחי', תלמידה בית פיגא
איך האב ערהאלטן אייער בריוו.
באדן א מאמע איז זייער א גרויסע מצוה, דאס איז ריכטיג מקיים געווען די מצוה פון כיבוד אב ואם; ווארטס נישט אייער מאמע זאל אייך בעטן און מוטשען, איר זאלט איר פרעגן אויב איר קענט איר העלפן באדן, טוט דאס מיט שמחה, מיט פרייד.
אין דעם זכות וואס איר זענט אזוי געטריי פאר אייער מאמע; אנשטאט פארברענגען די יארן מיט חבר'טעס טוט איר די מצוה פון כיבוד אב ואם - זאלט איר קיינמאל נישט דארפן צוקומען מען זאל אייך דארפן באדינען, איר זאלט זיין געזונט אייער גאנץ לעבן, ווען איר וועט זיין אן אלטע אידענע זאלט איר זיך אליינס קענען באדינען.
דער אייבערשטער זאל העלפן איר זאלט האבן הצלחה אין אלע ענינים.