בעזרת ה' יתברך - יום ב' פרשת שמיני, אסרו חג פסח, כ"ג ניסן, שנת תשפ"ה לפרט קטן
מיין טייערער ... נרו יאיר
איך וויל דיר בעטן דו זאלסט קומען העלפן אין חדר דעם מנהל, דער אינגערמאן וואס האט געהאלפן ביז אהער - האט זיך אפגעזאגט, און מיר דארפן איינער זאל העלפן דעם מנהל מיט די מלמדים; וויל איך דיר בעטן זאלסט איבערלאזן כולל און קומען העלפן אין חדר.
פורים האסטו מיר געזאגט - ווען דו ביסט געווען שיכור - איך זאל דיר נישט אוועק נעמען פון כולל, דו ווילסט בלייבן אין כולל, אבער זאלסט וויסן אז דאס לערנען תורה מיט קינדער נעמט נישט אוועק פון זוכה זיין צו כתרה של תורה, מען קען ביידע, און אז דער רבי האט אונז באפוילן (שיחות הר"ן, סימן רט): "אייערע קינדער זאלט איר מודיע זיין וואס דא האט זיך גיטאן", און רבי נתן שרייבט אז דער רבי האט דאס געזאגט מיט א מורא'דיגע ברען און מיט א התלהבות, דארף דאס זיין די ערשטע זאך און די הייליגסטע זאך.
איך וויל דיר בעטן, אין אנהויב זאלסטו מיר דערציילן אלעס פון חדר, אפילו קלייניקייטן, און דיינע פראגעס זאלסטו פרעגן דעם מנהל, און מיט די צייט וועסטו וויסן ווי אזוי זיך צו פירן מיט די קינדער.
דער אייבערשטער זאל העלפן זאלסט האבן הצלחה אין אלע ענינים.